प्रभाग 20 मध्ये राष्ट्रवादी काँग्रेसच्या मिसबा अस्लम शेख यांच्या उमेदवारीनं निवडणुकीत रंगत
धाराशिव नगर परिषद सार्वत्रिक निवडणूक 2025 च्या धामधुमीत प्रभाग क्र. 20 मध्ये निवडणुकीला आणखी रंगत आणणारी महत्वाची घडामोड समोर आली आहे. राष्ट्रवादी काँग्रेस (शरद पवार गट) तर्फे मिसबा अस्लम शेख यांनी आज आपला उमेदवारी अर्ज दाखल केला.
निवडणूक निर्णय अधिकारी ओंकार देशमुख तसेच सहाय्यक निवडणूक निर्णय अधिकारी श्रीमती नीता अंधारे यांच्या उपस्थितीत मिसबा शेख यांनी सर्व प्रक्रिया पूर्ण करत अर्ज दाखल केला. अर्ज दाखल करताना पक्षाचे पदाधिकारी, महिला कार्यकर्त्या तसेच स्थानिक नागरिकांचा मोठ्या प्रमाणावर उपस्थिती पाहायला मिळाली.
मिसबा शेख यांचे पती आणि प्रभागातील लोकप्रिय युवक नेते असलम शेख यांनी गेल्या अनेक वर्षांपासून सामान्य नागरिकांसाठी विविध मार्गांनी सातत्याने काम केले आहे. समाजकारणात सक्रिय भूमिका निभावत असताना नागरिकांच्या अडचणी सोडविण्यासाठी ते कायम पुढाकार घेत आले आहेत. त्यांच्या या लोकसंपर्काचा आणि लोकप्रियतेचा फायदा मिसबा शेख यांच्या उमेदवारीला निश्चितच मिळणार असल्याची चर्चा प्रभागात सुरू आहे.
प्रभाग क्र. 20 मध्ये आधीच चुरशीची लढत अपेक्षित असताना राष्ट्रवादीच्या या उमेदवारीने स्पर्धेला आणखी रंगत आली आहे. महिला उमेदवार म्हणून मिसबा शेख यांचे मैदानात उतरल्याने बहुसंख्य महिलांचा कौल कोणाकडे झुकतो याकडे सर्वांचे लक्ष लागून राहणार आहे.
धाराशिव नगर परिषद निवडणूक 2025 मध्ये प्रभाग क्र. 20 हा सर्वात लक्षवेधी प्रभाग ठरण्याची चिन्हे आता स्पष्ट दिसत आहेत.
लोकमदत न्यूज संपादक अमजद सय्यद 8390088786
