मुगाव येथे माजी मंत्री आमदार तानाजीराव सावंत यांनी बजावला मतदानाचा हक्क; लोकशाहीच्या उत्सवात सक्रिय सहभाग
“भूम-परंडा-वाशी व धाराशिव जिल्ह्याच्या उज्ज्वल भविष्यासाठी प्रत्येक मत महत्त्वाचे” – आ. तानाजीराव सावंत
मुगाव ता. परंडा येथे जिल्हा परिषद व पंचायत समिती निवडणुकांच्या पार्श्वभूमीवर माजी आरोग्यमंत्री व भूम-परंडा-वाशी विधानसभा मतदारसंघाचे आमदार प्रा. डॉ. तानाजीराव सावंत यांनी मतदानाचा हक्क बजावला. सकाळी मतदान केंद्रावर पोहोचून त्यांनी शांततेत व उत्साहपूर्ण वातावरणात मतदान केले.
यावेळी त्यांनी नागरिकांशी संवाद साधत लोकशाही प्रक्रियेत सहभाग घेण्याचे आवाहन केले. “भूम-परंडा-वाशी तालुक्यांसह संपूर्ण धाराशिव जिल्ह्याच्या उज्ज्वल भविष्यासाठी प्रत्येक मत अत्यंत महत्त्वाचे आहे. सुजाण व जबाबदार मतदानातूनच सक्षम व विकासाभिमुख नेतृत्व घडते,” असे त्यांनी सांगितले.
मतदान केंद्रावर स्थानिक नागरिकांमध्ये उत्साह दिसून आला. प्रशासनाकडून शांततेत व सुव्यवस्थितरीत्या मतदान प्रक्रिया पार पडण्यासाठी योग्य नियोजन करण्यात आले होते. नागरिकांनी मोठ्या संख्येने मतदान करत लोकशाहीचा उत्सव साजरा केला.
आ. तानाजीराव सावंत यांच्या उपस्थितीमुळे मतदारांमध्ये अधिक उत्साह संचारल्याचे दिसून आले. त्यांनी युवक, महिला तसेच सर्व मतदारांना निर्भयपणे मतदान करून लोकशाही बळकट करण्याचे आवाहन केले.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
