लोकशाहीर अण्णाभाऊंच्या स्मारकासाठी शासकीय जागा हस्तांतरित
दत्ता पेठे यांनी आ राणाजगजितसिंह पाटील यांचे मानले आभार
धाराशिव लोकमदत न्यूज
साहित्यरत्न, लोकशाहीर अण्णाभाऊ साठे यांच्या भव्य स्मारकाची अनेक वर्षांपासूनची प्रतीक्षा आता संपली आहे. धाराशिव शहरातील शासकीय दूध शीतकरण केंद्राची एक एकर जागा या स्मारकासाठी विनामूल्य देण्याचा अधिकृत आदेश जिल्हाधिकारी यांनी दिला आहे. विशेष म्हणजे, या जागेसाठी द्यावे लागणारे सुमारे २ कोटी ८ लाख रुपयांचे मूल्य शासनाने माफ करावे यासाठी आ राणाजगजितसिंह पाटील यांनी मंत्रालय स्तरावर सातत्याने पाठपुरावा करून अतिशय महत्त्वाची निभावत यशस्वी जबाबदारी पार पाडली आहे. याबद्दल भारतीय जनता पार्टीचे नेते दत्ता पेठे यांनी आ राणाजगजितसिंह पाटील यांचे आभार मानले आहेत.
धाराशिव शहरात लोकशाहीर अण्णाभाऊ साठे यांचा पूर्णाकृती पुतळा उभारण्यात यावा अशी मागणी गेल्या वर्षांपासून होती. त्यानुसार या स्मारकाच्या उभारणीसाठी नगर विकास विभागाच्या माध्यमातून आ पाटील यांनी १ कोटी ५० लाख रुपये निधी मंजूरही करुन घेतला आहे. तर तत्कालीन महसूलमंत्री राधाकृष्ण विखे पाटील यांच्याकडे ऑगस्ट महिन्यात जागा हस्तांतरित करण्यासाठी महत्त्वाचा निर्णय घेतला होता. तसेच त्यासाठी नगर पालिकेला शासनाकडे जागेच्या मोबदल्यात बाजार भावाप्रमाणे २ कोटी ८ लाख भरणे आवश्यक होते. मात्र, पालिकेकडे निधी नसल्याने हा विषय प्रलंबित होता. पालिकेची आर्थिक स्थिती पाहता ही रक्कम माफ करण्याची विनंती आ पाटील यांनी शासनाकडे केली होती. त्यासाठी अशा संदर्भात वारंवार पाठपुरावा केला. त्यामुळे मंत्रिमंडळाच्या बैठकीत यावर सकारात्मक निर्णय होऊन महसूल व वन विभागाने या जागेला भोगवटादार वर्ग – २अंतर्गत महसूलमुक्त आणि मूल्यरहित तत्वानुसार मंजुरी देत जागा विनामुल्य देण्याचा निर्णय घ्यायला भाग पाडले. तसेच लोकशाहीर अण्णाभाऊ साठे यांच्या पुतळ्याचा व परिसरकरणाच्या सुशोभीकरणचा मार्ग मोकळा करून देण्यासाठी आ पाटील यांनी अथक परिश्रम घेतले आहेत. त्यामुळे आमदार राणाजगजितसिंह पाटील यांचे भाजप नेते दत्ता पेठे यांनी विशेष आभार मानले आहेत.
