मुरूम दि.०६ (प्रतिनिधी): मुलांना संस्कारयुक्त बनविताना पालकांनी स्वतः आई-वडील, सासू-सासरे व वडीलधारी मंडळींचा आदर, निस्वार्थ सेवाभाव जोपासून त्यांना आपल्या कुटुंबाच्या परंपरा आणि ज्येष्ठांचा त्याग, परिश्रम व कष्ट याची जाणीव करून देणे. समाजात आपले कुटुंब अधिक सुसंस्कारित बनवून ते अधिक मजबूत व एकसंघ ठेवण्याचा आदर्श हे प्रत्येकाचे नैतिक कर्तव्यच असल्याचे प्रतिपादन सुप्रसिद्ध सिने अभिनेत्री अलका कुबल यांनी केले.
रोटरी क्लब मुरूम सिटी च्या वतीने शिक्षक दिनाचे औचित्य साधून शिक्षकांचा गौरव सोहळा रत्नमाला मंगल कार्यालयात शुक्रवारी (ता. ५) रोजी आयोजित सोहळ्यात त्या प्रमुख अतिथी म्हणून बोलत होत्या. या कार्यक्रमाच्या अध्यक्षस्थानी श्रीराम कुलकर्णी होते. यावेळी रोटरीचे अध्यक्ष प्रा. डॉ. आप्पासाहेब सूर्यवंशी, सचिव कल्लाप्पा पाटील यांची प्रमुख उपस्थिती होती. प्रारंभी डॉ. सर्वपल्ली राधाकृष्ण यांच्या प्रतिमेस मान्यवरांच्या हस्ते पुष्पहार घालून दीप प्रज्वलन करण्यात आले.
यावेळी अनुसया मिरकले, वैभव वेल्हाळ, संगीता माकणे, तनुजा गाढवे, दत्ता राठोड, प्रिया वाकडे, योगेश कोडलंगरे, जाफरसाहेब मुल्ला, मुकेश सोमवंशी, उल्हास घुरघुरे, शंकर आसबे, प्रा. डॉ. अरुण बावा यांना अलका कुबल यांच्या हस्ते सन्मानचिन्ह, रोटरीचा नेशन बिल्डर अवार्ड देऊन शिक्षकांना सन्मानित करण्यात आले. गौरी आरास सजावट सन्मान कविता जाधव (प्रथम) सन्मानचिन्ह, प्रशस्तीपत्र व रोख २००१, शिल्पा पांचाळ (द्वितीय) सन्मानचिन्ह, प्रशस्तीपत्र व रोख १५०१, मित्रवंदा जाधव (तृतीय) सन्मानचिन्ह, प्रशस्तीपत्र व रोख १००१ तर सुंदर मुखवटा व आकर्षक गौरी मूर्ती अंजली सूर्यवंशी, आकर्षक झुला बैठक गौरी आरास स्वाती जाधव, उत्कृष्ट रोषणाई गौरी सजावट ललिता जाधव, उत्कृष्ट संदेश साक्षी महामुनी, उत्कृष्ट सांस्कृतिक देखावा वैशाली पोतदार, अपर्णा पोतदार तर डॉ. महेश स्वामी वाढदिवसानिमित्ताने विशेष सत्कार अलका कुबल यांच्या हस्ते करण्यात आला.
कमलाकर मोटे, सुनिल राठोड, प्रा. डॉ. महेश मोटे, प्रा. डॉ. सुधीर पंचगल्ले, कल्लाय्या स्वामी, ॲड. उदय वैद्य, मल्लिकार्जुन बदोले, प्रा. भूषण पाताळे, बाबासाहेब पाटील, प्रकाश रोडगे, डॉ. महेश स्वामी,डॉ. नितीन डागा, शिवकुमार स्वामी, डॉ. विलास खडके आदींनी पुढाकार घेतला. अध्यक्षीय समारोप प्रसंगी श्रीराम कुलकर्णी म्हणाले की, अशा समाज उपयोगी काम करणाऱ्या रोटरी सारख्या जागतिक सेवाभावी संस्थेकडून शिक्षकांचा सन्मान होणे ही खूप अभिमानाची बाब असल्याची भावना व्यक्त केली. प्रस्ताविक डॉ. आप्पासाहेब सूर्यवंशी यांनी केले.
सूत्रसंचालन संतोष कांबळे तर आभार कल्लाप्पा पाटील यांनी मानले. यावेळी शहर व परिसरातून विविध क्षेत्रातील पदाधिकारी, नागरिक विद्यार्थी-विद्यार्थिनी मोठ्या संख्येने उपस्थित होत्या.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
