देवेंद्र फडणवीस यांच्या वाढदिवसानिमित्त धाराशिव जिल्ह्यात मोफत आरोग्य तपासणी शिबिरे
तेरणा पब्लिक चॅरिटेबल ट्रस्टचा पुढाकार – शेकडो नागरिकांना मोफत तपासणी व मार्गदर्शन
धाराशिव : राज्याचे मुख्यमंत्री देवेंद्र फडणवीस यांच्या वाढदिवसानिमित्त धाराशिव जिल्ह्यात मागील काही दिवसांपासून विविध ठिकाणी मोफत आरोग्य तपासणी शिबिरांचे आयोजन करण्यात येत आहे. तेरणा पब्लिक चॅरिटेबल ट्रस्ट तर्फे या उपक्रमाचा पुढाकार घेण्यात आला असून ग्रामीण व शहरी भागातील नागरिकांना त्याचा मोठा लाभ होत आहे.
आज धाराशिव शहरात आनंदनगर येथील सिंचन भवन हॉल येथे भव्य आरोग्य तपासणी शिबिर आयोजित करण्यात आले. आमदार राणाजगजीतसिंह पाटील यांच्या मार्गदर्शनाखाली ट्रस्टमार्फत जिल्ह्यात शिबिरांचे आयोजन होत असून, यामुळे गरजू रुग्णांना योग्य उपचार व तज्ज्ञांचे मार्गदर्शन मिळत आहे. नागरिकांनी या उपक्रमाचे मनापासून स्वागत करत आभार मानले.
प्रसंगी दत्ताभाऊ कुलकर्णी जिल्हाध्यक्ष भारतीय जनता पक्ष यांच्या हस्ते दीप प्रज्वलन करून शिबिराची सुरुवात झाली यावेळी सुनील काकडे, अक्षय ढोबळे, भारतीय जनता पक्ष अल्पसंख्याक धाराशिव शहराध्यक्ष फरमान काझी आदी मान्यवर उपस्थित होते.
आरोग्य शिबिरात शेकडो नागरिकांनी रक्तदाब, मधुमेह, नेत्र तपासणी व सर्वसाधारण आरोग्य तपासणी करून घेतली. तज्ज्ञ डॉक्टरांनी रुग्णांना आवश्यक सल्ला व मार्गदर्शन दिले.
तेरणा ट्रस्टच्या या उपक्रमामुळे आरोग्य सुविधा सहज उपलब्ध झाल्याने ग्रामीण व शहरी भागातील नागरिकांसाठी हे शिबिरे वरदान ठरत असल्याचे उपस्थितांनी नमूद केले.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
