धाराशिव दिनांक (प्रतिनिधी) – तुळजापूर व तालुक्यातील राज्यात गाजत असलेले तसेच राजकीय आखाडा ठरलेले तुळजापूर एम डी ड्रग्स प्रकरण सातत्याने चर्चेत आहे. आरोपी कुऱ्हाडे याची बाजू ॲड अमोल वरुडकर यांनी अत्यंत प्रभावीपणे व मुद्देसूद मांडली. त्यामुळे तुळजापूर येथील जिल्हा न्यायालयाच्या विशेष न्यायाधीश मिटकरी यांनी आरोपी कुराडे याचा नियमित जामीन मंजूर केला आहे.
याबाबत सूत्रांकडून मिळालेल्या माहितीनुसार, तुळजापूर येथील एम.डी. ड्रग्स प्रकरणातील आरोपी नानासाहेब कुऱ्हाडे यांच्या विरुद्ध तामलवाडी पोलीस ठाण्यात गु.र.नं. २२/२०२५ विरुद्ध गुन्हा नोंद करण्यात आला होता. आरोपीस जामीन मिळावा यासाठी न्यायालयात ॲड. अमोल वरुडकर यांनी जामीन अर्ज दाखल केला होता. ॲड. वरुडकर यांनी मुद्देसूद प्रभावी युक्तिवाद करीत आर्थिक व्यवहाराची सत्यता न्यायालयासमोर मांडली. त्यामुळे न्यायाधीशांनी ॲड. वरुडकर यांचा युक्तिवाद ग्राह्य धरून कुऱ्हाडे याचा नियमित जामीन मंजूर केला आहे.
