तुळजापूर तालुक्यात काँग्रेसला सर्वात मोठा धक्का… माजी जिल्हा परिषद सदस्य, माजी सरपंचसाह शेकडो कार्यकर्त्यांचा भाजपात जाहीर प्रवेश

तुळजापूर तालुक्यात काँग्रेसला सर्वात मोठा धक्का… माजी जिल्हा परिषद सदस्य, माजी सरपंचसाह शेकडो कार्यकर्त्यांचा भाजपात जाहीर प्रवेश
तुळजापूर दि.२०(प्रतिनिधी):तुळजापूर तालुक्यात काँग्रेस पक्षाला मोठा धक्का बसला असून काँग्रेसचे माजी जिल्हा परिषद सदस्य प्रकाश चव्हाण, आलियाबादच्या माजी सरपंच सौ. ज्योतिका प्रकाश चव्हाण, जळकोटचे माजी सरपंच व बाजार समितीचे संचालक अशोकराव पाटील यांनी असंख्य कार्यकर्त्यांसह भारतीय जनता पार्टीत जाहीर प्रवेश केला.
या सर्वांचे आमदार राणाजगजीतसिंह पाटील यांनी भाजपमध्ये मनःपूर्वक स्वागत करून पुढील राजकीय व सामाजिक कार्यासाठी शुभेच्छा दिल्या. या प्रवेशामुळे जळकोट जिल्हा परिषद गटात भाजपची संघटनात्मक ताकद अधिक मजबूत होणार असल्याचे मत व्यक्त करण्यात आले.
यावेळी माणिकराव चव्हाण, सुनील माने, श्रीनिवास पाटील, रामतीर्थचे सरपंच लक्ष्मण राठोड, उपसरपंच तारू पवार, शिवाजी राठोड, विनायक राठोड यांच्यासह अनेक पदाधिकारी व कार्यकर्त्यांनी भाजपात प्रवेश केला.
मुख्यमंत्री देवेंद्र फडणवीस यांच्या नेतृत्वावर, तसेच केंद्र व राज्य सरकारच्या विकासाभिमुख व लोकहितकारी योजनांवर विश्वास ठेवून हा पक्षप्रवेश केल्याचे कार्यकर्त्यांनी सांगितले. भाजपच्या माध्यमातून जनतेच्या प्रश्नांना न्याय देणे, परिसराचा सर्वांगीण विकास साधणे आणि आगामी जिल्हा परिषद निवडणुकीत जळकोट व नंदगाव गटात भाजपचे उमेदवार निवडून आणण्याचा निर्धार यावेळी करण्यात आला.
या कार्यक्रमास भाजपा जिल्हाध्यक्ष दत्ताभाऊ कुलकर्णी, सुनील चव्हाण, संताजी चालुक्य, आशिष सोनटक्के, विलास राठोड, अमृतराव चव्हाण, प्रवीण पवार, दामाजी राठोड यांच्यासह प्रमुख पदाधिकारी व कार्यकर्ते मोठ्या संख्येने उपस्थित होते.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786