नळदुर्ग नगरपरिषद भाजपाचे नूतन नगराध्यक्ष धरणे आप्पा व उपनगराध्यक्ष नयर पाशा जागीरदार यांचा अल्पसंख्याक मोर्चाकडून सत्कार
नळदुर्ग नगरपरिषदेत भाजपाचे नूतन नगराध्यक्ष धरणे आप्पा व उपनगराध्यक्ष नयर पाशा जागीरदार यांच्या निवडीबद्दल उस्मानाबाद (धाराशिव) भाजपा अल्पसंख्याक मोर्चाच्या वतीने नळदुर्ग येथे भव्य सत्कार समारंभ आयोजित करण्यात आला.
या कार्यक्रमास अल्पसंख्याक शहराध्यक्ष फर्मान काजी, सांजा येथील माजी उपसरपंच गफूर भाई शेख, पुष्पकांत मळाळे, महमूद मुजावर, जाकीर पठाण, फिरोज पठाण, अहमद कुरेशी, बिलाल रजवी, फहाद सिद्दिकी, इलियास पिरजादे, रमजान तांबोळी, गुड्डू जेके, युसुफ बडे भाई, शहबाज पठाण यांच्यासह अनेक पदाधिकारी व कार्यकर्ते उपस्थित होते.
कार्यक्रमाचे मार्गदर्शन प्राध्यापक पटेल सर यांनी केले. तर प्रमुख उपस्थितीत भाजपाचे नूतन नगरसेवक रिजवान काझी, मुस्तफा (गुड्डू) जागीरदार, अब्दुल्ला काझी व मोहम्मद काझी यांचा सहभाग होता.
यावेळी बोलताना नगराध्यक्ष धरणे आप्पा व उपनगराध्यक्ष नयर पाशा जागीरदार यांनी पक्ष संघटनेचे आभार मानत नळदुर्ग शहराच्या सर्वांगीण विकासासाठी कटिबद्ध राहणार असल्याचे सांगितले. उपस्थित मान्यवरांनी नव्या नेतृत्वाला शुभेच्छा देत आगामी काळात शहराच्या विकासासाठी एकत्रितपणे काम करण्याचा विश्वास व्यक्त केला.
