गणेश नगर येथील प्रलंबित कामांना सुरुवात – आमदार राणाजगजितसिंह पाटील यांचे नागरिकांकडून आभार
लोकमदत न्यूज
धाराशिव शहरातील गणेश नगर परिसरात गेल्या अनेक वर्षांपासून प्रलंबित असलेल्या विकासकामांना अखेर सुरुवात झाली असून, याबाबत गणेश नगरमधील नागरिकांमध्ये समाधानाचे वातावरण आहे. या कामांसाठी सातत्याने पाठपुरावा करून निधी उपलब्ध करून दिल्याबद्दल मा. आमदार राणाजगजितसिंह पाटील यांचे गणेश नगरवासीयांनी मनःपूर्वक आभार मानले आहेत.
गणेश नगर परिसरातील रस्ते अनेक दिवसांपासून अत्यंत खराब अवस्थेत होते. पावसाळ्यात नागरिकांना मोठ्या अडचणींचा सामना करावा लागत होता. या सर्व समस्या लक्षात घेऊन आमदार राणाजगजितसिंह पाटील यांनी संबंधित विभागांना तातडीने सूचना देऊन विकासकामांना मंजुरी मिळवून दिली व प्रत्यक्ष कामास सुरुवात करून दिली.
सध्या सुरू असलेल्या कामांमुळे परिसराचा कायापालट होणार असून नागरिकांचे दैनंदिन जीवन अधिक सुलभ होणार आहे. त्यामुळे गणेश नगरातील रहिवाशांनी आमदार साहेबांचे विशेष आभार व्यक्त केले असून, भविष्यातही अशाच प्रकारे विकासात्मक कामांना गती मिळावी अशी अपेक्षा व्यक्त केली आहे.
लोकमदत न्यूज सत्य शोधून लिहिण्याची ताकद संपादक अमजद सय्यद 8390088786
