तेरखेडा जिल्हा परिषद गटात शिवसेनेचा जोरदार प्रचार…आ. तानाजीराव सावंतांची भव्य सभा, विजयाचा निर्धार
वाशी तालुक्यात शिवसेना उमेदवारांना ऐतिहासिक बहुमताने विजयी करण्याचे आवाहन
लोकमदत न्यूज
वाशी तालुक्यातील विकासाचा वारू चौफेर उधळण्यासाठी शिवसेना पक्षाच्या अधिकृत उमेदवारांच्या प्रचारार्थ तेरखेडा येथे राज्याचे माजी कुटुंब कल्याण व सार्वजनिक आरोग्यमंत्री आमदार प्रा. डॉ. तानाजीराव सावंत यांची भव्य जाहीर सभा उत्साहात पार पडली. या सभेला नागरिकांचा मोठा प्रतिसाद लाभला असून परिसरात शिवसेनेच्या विजयाचा आत्मविश्वास दिसून आला.
तेरखेडा जिल्हा परिषद गटाचे अधिकृत उमेदवार संदेश (विकी) सोमनाथ चव्हाण, तेरखेडा पंचायत समिती गणातून सौ. पूनम बालाजी घोलप आणि इंदापूर पंचायत समिती गणातून सौ. अरुणा रावसाहेब शिंदे यांच्या विजयाचा निर्धार करण्यासाठी मोठ्या संख्येने जनसमुदाय सभास्थळी उपस्थित होता. आ. सावंत यांच्या उपस्थितीने कार्यकर्त्यांमध्ये नवचैतन्य संचारले.
सभेला संबोधित करताना आ. सावंत म्हणाले, “ही निवडणूक केवळ लोकप्रतिनिधी निवडण्याची नसून आपल्या भागाच्या सर्वांगीण विकासाची दिशा ठरवणारी आहे. ज्या नेतृत्वाने नेहमी जनतेच्या सुख-दुखात साथ दिली, अशा सक्षम, प्रामाणिक आणि कर्तव्यदक्ष उमेदवारांच्या पाठीशी खंबीरपणे उभे राहण्याची गरज आहे.” भूम-परंडा-वाशी मतदारसंघाच्या उज्ज्वल भविष्यासाठी आणि प्रलंबित प्रश्न मार्गी लावण्यासाठी येत्या ७ फेब्रुवारी रोजी ‘धनुष्यबाण’ या चिन्हासमोरील बटण दाबून शिवसेना उमेदवारांना ऐतिहासिक बहुमताने विजयी करण्याचे आवाहन त्यांनी केले.
यावेळी केशव सावंत, युवासेना जिल्हाप्रमुख बाळासाहेब मांगले, वाशी तालुकाप्रमुख सत्यवान गपाट, युवा नेते मेघराज पाटील, वाशी शहरप्रमुख शिवहार स्वामी, नागजी बापू नाईकवाडी, उद्धव साळवी, उपतालुकाप्रमुख विकास तळेकर, अक्षय चव्हाण यांच्यासह शिवसेना पक्षाचे प्रमुख पदाधिकारी, शिवसैनिक आणि स्थानिक ग्रामस्थ मोठ्या संख्येने उपस्थित होते.
सभेतील उत्साह, जनतेचा प्रतिसाद आणि कार्यकर्त्यांचा आत्मविश्वास पाहता तेरखेडा व पारगाव गटात यंदा “फक्त आणि फक्त भगवाच फडकणार,” असा ठाम दावा आ. सावंत यांनी यावेळी व्यक्त केला.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
