श्वेता दुरुगकर यांचा शिवसेनेत जाहिर प्रवेश
स्थानिक स्वराज्य संस्थामध्ये पक्षाची ताकद वाढणार
धाराशिव, दि. २४ (प्रतिनिधी) – येथील धडाडीच्या राष्ट्रवादी काँग्रेस युवती जिल्हाअध्यक्ष सौ.श्वेता ताई सागर दुरुगकर यांनी शिवसेनेत (उध्दव बाळासाहेब ठाकरे) जाहिर प्रवेश केला आहे. खासदार ओमप्रकाश राजेनिंबाळकर, शिवसेना जिल्हाप्रमुख तथा आमदार कैलास पाटील यांनी त्यांचे शिवसेनेत स्वागत केले.
युवती नेत्या सौ.श्वेता ताई सागर दुरुगकर यांचे सामाजिक क्षेत्रत तसेच युवतीसाठी मोठे काम आहे. त्यांनी वंदनीय हिंदूह्रदयसम्राट शिवसेनाप्रमुख बाळासाहेब ठाकरे यांच्या ज्वलंत भगव्या विचारांनी प्रेरित होऊन, पक्षप्रमुख उद्धव बाळासाहेब ठाकरे व युवासेनाप्रमुख आदित्य ठाकरे यांच्या नेतृत्वात काम करण्यासाठी, जिल्हासंपर्कप्रमुख सुनील काटमोरे, सहसंपर्कप्रमुख मकरंद राजेनिंबाळकर यांच्या मार्गदर्शनाखाली शिवसेनेत (उध्दव बाळासाहेब ठाकरे) जाहिर प्रवेश केला. खासदार ओमप्रकाश राजेनिंबाळकर यांच्या संपर्ककार्यालयात झालेल्या कार्यक्रमात खासदार ओमप्रकाश राजेनिंबाळकर व आमदार कैलास पाटील यांनी पुष्पगुच्छ देवून श्वेता सागर दुरुगकर यांचे स्वागत केले.
शिवसेनेच्या माध्यमातून ग्रामीण आणि शहरी भागातील सर्वसामान्यांचे प्रश्न आपण सोडवाल आणि हिंदुहृदयसम्राट वंदनीय बाळासाहेब ठाकरे यांचे विचार शेवटच्या घटकापर्यंत पोहोचऊन शिवसेना संघटना बळकट कराल असा विश्वास यावेळी खासदार ओमराजे निंबाळकर, आमदार कैलास पाटील यांनी व्यक्त केला.
याप्रसंगी महिला आघाडी जिल्हा संघटक शामलताई वडणे, जिल्हा समन्वयक दिनेश बंडगर, शहरप्रुमख सोमनाथ गुरव, रोहित निंबाळकर, तुषार निंबाळकर, मनीषाताई वाघमारे, पंकज पाटील, अभिजित देशमुख, मंगेश निंबाळकर, सागर दुरुगकार, प्रतीक निंबाळकर, अभिजीत निंबाळकर, सह्याद्री राजेनिंबाळकर, हर्षद ठवरे, सात्विक दंडनाईक, बंडू आदरकर, गणेश असलेकर, सुधीर आलकुंठे आदी मान्यवर उपस्थित होते.
संपादक अमजद सय्यद 8390088786
